ЦО на СДСМ на денешната седница, донесе одлука доколку власта не ги вметне во изборниот законик, препораките на ОБСЕ/ОДИХР, доколку не го прочисти избирачкиот список, СДСМ на претстојните локални избори нема да учествува.
„Овој наш став благовремено го соопштуваме на три и пол месеци пред изборите, па секој има време да се преиспита и соочи со сопствената одговорност за сите последици и за земјата и за демократијата во земјата“, изјави Црвенковски.
Црвенковски и порача на власта дека овој пат нивната политика за одолговлекување, а потоа ставање пред свршен чин, како пред парламентарните избори 2011-та, нема да помине.
Посочи дека предлогот на СДСМ за измени во изборниот законик, во кој се вградени исклучиво препораките на ОБСЕ/ОДИХР е на актуелната собраниска седница.