Набљудувачите на Цивил регистрирале кршење на изборниот молк.
Во раните утрински часови, партиски активисти оставиле пропаганден материјал пред вратите на куќи и станови. Ова кршење на изборниот молк се евидентирало во скопските општини Аеродром, Центар и Карпош, каде е вршена агитација со делење пропаганден материјал на една партија.
.
Набљудувач на Цивил од терен известува дека еден градоначалник ја злоупотребил својата функција, откако во овој материјал сугерира да се гласа за една партија, каде што стои и неговиот потпис.
Набљудувач од Струга известува дека низ градот се залепени нови постери, дури и по куќи, сообраќајни знаци и по јавни установи.
Од друга страна, се повторува практиката по социјалните мрежи да се објавуваат резултатите од изборните единици надвор од земјата и во официјалните страници на разни партии на фејсбук повикуваат да се гласа за нивната партија.
