Невладината организација „Цивил“ информира дека во општините каде што има втор изборен круг има поткупување, закани притисоци и сите оние нерегуларности кои се забележани во првиот круг од локалните избори.
Како што велат од Цивил, гласовите на граѓаните се купуваат со масло, маици, но има и такви кои што купуваат гласови со стипеднии, но и пари за гласови при што почетната цена е 1.000 денари за еден глас.
-Можете и да се пазарите, а често целата работи оди преку посредници. Дури и на член на нашата група му биле понудени пари за неговиот глас, но и за сите оние што може да ги мобилизира, вели Илир Ајдини од Цивил.
Продолжуваат притисоците и врз вработените во јавната администрација.
Во агитирањето најмногу се ангажираат нововработените и оние без решенија за работа. Дел од нив немаат ни работни позиции таму каде што се распоредени, па поголемиот дел од времето го поминуваат во партиските изборни штабови.
