За уцени и заплашувања на гласачите укажуваат од невладината организација „Цивил – Центар за слобода“.
Се врши голем притисок да го дадат нивниот глас за одреден кандидат за градоначалник.
„Граѓанка од една општина каде што има втор круг гласање извести дека еден од градоначалничките кандидати кои се натпреваруваат во вториот изборен круг лично и се заканил дека доколку не ги добие гласовите од членовите од нејзиното семејство, еден од нив ќе добие отказ од работното место кое е под нивна контрола“, велат од „Цивил“.
„Цивил“ ги повикува граѓаните да пријават нерегуларности, закани, притисоци и секакви прекршувања на загарантираните човекови права и слободи на телефоните 02/520 91 76 и 075/742 445“.
Со целосен извештај за изборите ќе ги информираат релевантните домашни институции и организации, како и странски мисии, за сите случувања.