Невладината организација, Центар за слобода во пресрет на вториот круг од гласање, упати апел до политичките партии и нивните членови и активисти, до институциите на државата, организациите на граѓанското општество и сите граѓани на Република Македонија, да дадат свој придонес за слободни и ненасилни избори.
„Во изминатиот период бевме сведоци на бројни нерегуларности и незаконско делување на голем број учесници во политичкиот живот на земјата, а особено во изборниот процес. Апелираме да престанат со таквите практики барем во наредните 48 часа. Ја повторуваме, за жал, генералната оценка која ја дадовме по првиот изборен круг: Големи штети по демократијата, угледот на земјата и владеењето на правото во Македонија веќе се направени! Бараме да се промени таа слика барем во овие последни часови од изборниот процес“ пишува во соопштението на Цивил.
Оваа невладина организација со 140 лица распределени на цела територија на државата ќе врши мониторинг и на вториот изборен круг од Локалните избори 2013.