Ципрас: Мицотакис да заземе став за позицијата на Самарас за Договорот од Преспа

Од:

Не може некој во еден момент да зборува за предавнички договор, потоа да кажува дека ќе го почитува или сега да бара да се повлече како што вели Самарас, затоа, господинот Мицотакис мора да заземе јасен став, вели поранешниот грчки премиер и лидер на СИРИЗА, Алексис Ципрас, коментирајќи ги изнесените позиции на поранешниот премиер на Грција Андонис Самарас кој рече дека политичкото прашање е како Грција најлесно да се ослободи од Договорот од Преспа, јави дописничката на МИА од Атина.

Ципрас во завршното обраќање на централниот комитет за обнова на СИРИЗА, рече дека станува збор за став на поранешен премиер и „човек кој и сега има многу големо влијание на пратеничката група на Нова демократија“ и коментираше дека Мицотакис мора да заземе став бидејќи е прашање кое не се однесува на внатрешно-партиските прашања, туку „за клучните теми што се однесуваат на кредибилитетот на земјата, во клучните национални прашања, мора да заземе јасна позиција“.

-Може ли тој самиот и неговата влада да го гарантираат овој договор? Го почитува овој договор, како што рече госпоѓа Бакојани, и ќе се придржува до него или Грција ќе треба се откаже затоа што не оди напред, како што побара господинот Самарас? Бидејќи ако Нова демократија, а главно владата, не разјасни дека може да го гарантира спроведување на Договорот од Преспа, тогаш остава широк отворен прозорец за дестабилизација, не само на регионот, што веќе постои, источно и југоисточно, туку и на северот на земјата. И тоа е голема национална одговорност, вели Ципрас.

Поранешниот грчки премиер уште еднаш го повтори ставот дека Договорот од Преспа е еден од најголемите успеси на претходната влада и дека за СИРИЗА е патриотски договор што дава можност за стабилизација на регионот.

Би можело да ве интересира

Тлото не мирува: Нов земјотрес го стресе Крит

Уапсени десет лица и повреден еден полицаец за време на вчерашните инциденти во Атина

Ал Џезира: Атина и Анкара на раб на вооружен судир

Судири меѓу полицијата и маскирани лица во Атина

Мирно заврши пладневниот протест во Атина по повод годишнината од убиството на Алексис Григоропулос

Грција организира работен појадок во Брисел ЕУ – Северна Македонија и Албанија

Ана Ололовска