Понекогаш европските вредности се посилни на Балканот отколку во Брисел, напиша на Твитер поранешниот грчки премиер и лидер на СИРИЗА Алексис Ципрас, додавајќи дека неодредениот датум за почеток на пристапни преговори за Северна Македонија е порака на слабост и пораз за европска структура, jави дописничката на МИА од Атина.
Μερικές φορές οι ευρωπαϊκές αξίες είναι πιο ισχυρές στα Βαλκάνια από ότι στις Βρυξέλλες. Θα συνεχίσουμε να μαχόμαστε για το μέλλον και την ενότητα της Ευρώπης.
Το οφείλουμε στους λαούς μας.— Αλέξης Τσίπρας – Alexis Tsipras (@atsipras) October 18, 2019
-Одлуката на Европскиот совет да отфрли почеток на пристапни преговори за Северна Македонија е порака на слабост и пораз на европската структура. Понекогаш европските вредности се посилни на Балканот отколку во Брисел. Ќе продолжиме да се бориме за иднината и за обединетоста на Европа. Тоа им го должиме на нашите народи, напиша Ципрас на Твитер.