Кандидатот за градоначалник за општина Валандово од ВМРО-ДПМНЕ и коалицијата „За подобра Македонија“, Николче Чурлиновски од своите сограѓани ја побара поддршката за трет мандат за градоначалник.
Граѓаните веќе знаат да препознаат кој само ветува и не исполнува од оние кој ветуваат и исполнуваат. За разлика од деведесетите тие научија да ги разликуваат оние кои само ветуваат, а ништо не остваруваат од оние кои ветуваат и работат, додаде Груевски на митингот во Валандово.
Тој потсети на досега реализираните проекти, меѓу кои како најзначајна ја издвои изградбата на индустриската зона „Раброво“ каде во иднина очекува многу странски партнери да дојдат и да инвестираат во оваа зона.
Инвестиравме во изградба на канализациони мрежи, го подобривме квалитетот на наставниот процес, ги подобривме условите за спортување, изградивме нови тениски терени, нови фудбалски игралишта и стадион, рече Чурлиновски.