Министерот за внатрешни работи, Наќе Чулев посочува дека снимката од теретана на која се гледа лидерот на ВМРО-ДПМНЕ, Христијан Мицкоски, е стара. Тој вели дека полицајци разговарале со вработени во теретаната кои потврдиле дека објектот не работи по донесувањето на мерките на Владата, притоа, дека снимката е стара бидејќи не се гледа дека на вратите се залепени известувањата дека објектот не работи.
@MickoskiHM денеска пак у теретана со бодигарди!
Синоќа плачеше, загрижен за зеравјето на граѓаните, загрижен од коронавирусот и ете го наредниот ден пак ги прекршува мерките оди во теретана која отвара само за него! наќе уште спиеш или ќе почнеш са работиш?! pic.twitter.com/GRpA6nHcn4
— рецепционерот Талат (@TalatOdPrespav) April 25, 2020
„Една од вработените посочила и дека снимката е од 20.10.2019 кога последен пат заедно ги видела во теретаната Х.М и полициските службеници. Дека се работи за настан од 20.10.2019 изјавиле и полициските службеници, кои појасниле дека тој ден извршувале работни задачи на обезбедување на претседател на политичка партија, што било потврдено и по увидот на системот на вработените лица во МВР“, пишува министерот.
Чулев убедува дека снимката е стара и бидејќи вработена во теретаната посочила оти на снимката се гледа шкаф без врата, а истиот има врата од минатата година.
„Дотолку повеќе дека се работи за стара снимка потврдува и изјавата на И.М. кое е лице вработена во конкретниот фитнес центар и која во својата изјава посочува дека видно од снимката која беше објавена на социјалните мрежи се гледа шкаф кој е без врата, а врата на истиот шкаф е поставена во ноември 2019 година“, додава министерот Чулев.
Тој соопшти дека врз основа на преземените мерки, Одделот за внатрешна контрола смета дека наводите изнесени на социјалните мрежи во врска со постираниот видео запис се неосновани, односно нема прекршување на одлуката за ограничување на движењето од страна на конкретните лица.
Снимката на која се гледа Мицкоски во теретана беше објавена на „Твитер“ пред неколку денови.