Чулев: Кривична за скопјанец кој на фејсбук ширел говор на омраза кон Ромите

Од:

До Секторот за компјутерски криминал и дигитална форензика при Министерството за внатрешни работи вчера преку електронска пошта е пристигната пријава за лице кое преку својот профил на фејсбук објавило постови кои содржат текст во кој се шири говор на омраза поврзана со припадниците на ромската заедница во државата, информира министерот за внатрешни работи Наќе Чулев.

Како што напиша Чулев на својот фејсбук профил, од страна на Секторот за компјутерски криминал и дигитална форензика е веднаш постапено и утврдено е дека се работи за И. Ѓ. (30) од Скопје кој во повеќе наврати објавил постови со кои шири говор на омраза кон ромскиот народ и муслиманите, со што сторил кривично дело „Ширење расистички и ксенофобичен материјал по пат на компјутерски систем“. Поради тоа до Основното јавно обвинителство Скопје е поднесена кривична пријава.

– Во однос на вчерашната изјава на Самка Ибраимовски каде истиот ме повикува да постапам во однос на ширењето на говор на омраза према Ромите би сакал да истакнам дека додека јас сум Министер за внатрешни работи, Ромите и сите останати граѓани ќе бидат еднакви пред законите и Министерството за внатрешни работи ќе постапува неселективно, професионално и еднакво против секој кој ќе ги прекрши законите независно од неговата етничка, верска, политичка и било каква друга припадност. Во таа насока вчерашната изјава на господинот Ибраимовски ја сметам како свесна манипулација и груба злоупотреба и искористување на ромскиот народ за политички цели имајќи предвид дека се наоѓаме во предизборен период, наведува Чулев на својот фејсбук профил.

Би можело да ве интересира

Се вршат претреси во станови и куќи, полицијата се уште трага по експретседателот на Кривичниот суд Панчевски

А1он

Чулев ќе побара помош од војската за запирање на влезот на мигранти

Ана Ололовска

(ВИДЕО) Чулев од Струмица: Полицијата најстрого да ги санкционира сите прекршители на изборниот процес

Ана Ололовска

Приведени „диви тркачи“ со мотори од скопските улици

Ана Ололовска

Петровска контра Чулев: Граѓаните чии документи се најдени кажале дека им се земени поради долг, а не поткуп

Ландов

Чулев: Сопственик на продавница ветувал дека ќе им избрише долговите ако гласаат за СДСМ

Ана Ололовска