Чулев апелираше до припадниците на Единицата за брзо распоредување да ја користат заштитната опрема која им ја дава МВР

Од:

Министерот за внатрешни работи Наќе Чулев денес во поглед на остварувањето на обврски и надлежности на полицијата по однос на справувањето со актуелната епидемија од корона вирусот, ги посети припадниците на Единицата за брзо распоредување во Полицискиот центар “Ѓорче Петров“ во Скопје.

„Во разговорот со раководните луѓе на единицата министерот Чулев непосредно беше информиран за сите тековни задачи на припадниците на ЕБР примарно околу доследното спроведување на мерките, уредбите и препораките на Владата, но и во делот на другите законски надлежности на оваа организациона единица на МВР.

Во кусото обраќање пред полициските службеници, Министерот Чулев ја истакна важноста на оваа специјална единица за Министерството за внатрешни работи, но и за целата држава. Тој истакна дека припадниците на оваа единица се исклучително храбри луѓе чија професионалност и посветеност е потврдена во повеќе клучни моменти за нашата држава.

Чулев нагласи дека посебен акцент е ставен на заштитата на самите полициски службеници кои се во буквален смисол на првата линија на фронтот во превенцијата и сузбивањето на епидемијата и нејзините последици по здравјето на сите наши граѓани, при што апелираше до нив да го заштитат своето здравје и да ја користат заштитна опрема која Министерството за внатрешни работи ја става на нивно располагање.

Во таа насока Чулев потенцираше дека Министерството за внатрешни работи има успешно реализирано набавка на заштитни средства и опрема. Сите потребни количини се веќе пристигнати во магацините на Министерството за внатрешни работи, а голем дел од нив веќе се дистрибуирани до сите организациски единици“, информираа од Минситерството за внатрешни работи.

Би можело да ве интересира

Уште се чека за пасош со месеци, постапката забрзана ама само за оние што имаат да платат 100 евра

МВР: Скопјанка нападнала новинар, но и полициски службеник

Тошковски: Управниот суд донесе пресуди со кои поништи три незаконски одлуки на Владата

Орце Костов

Убиениот лекар бил матичен од Железара – се прегледува видеонадзорот за да се најде убиецот

Анита Петровска Рајковиќ

Приведена тетовка барана со потерница

Уапсени двајца скопјани затекнати како се дрогираат во стан на дилер од Скопје – уапсен и дилерот