Александар Трајковски од подмладокот на владеачката ВМРО-ДПМНЕ е авторот на погрдните зборови по веста за смртта на Роберто Беличанец.
„Толку многу плукаше против Македонија , беше еден од главните соросиди во државата што се обидуваа да ја срушат оваа власт за ги остварат својте платенички цели. Почивај во мир, но на крајот пак во МАКЕДОНСКА земја ќе остане твојот вечен дом “, напиша Трајковски.
На неговиот профил фотографии и постови за демократски и конзервативни вредности, а не се огради од ставот, дека смртта на Беличанец е само предупредување, дека сите кои сакале да го сменат името ги чека божја казна.
Членот на подмладокот на ВМРО-ДПМНЕ уште напишал:
„Гледа Господ. Полека, полека чекор по чекор ја спасува Македонија од предавничките изроди“.
Ова е истото лице кое што протестираше пред општина Центар, наводно бранејќи ја црквата. Велеше дека не го интересираат партии туку само ја брани верата и црквата.