Чиамба: Договорот од Преспа е модел за управување со билатералните прашања на европски начин

Од:

Договорот од Преспа е одличен пример за помирување и добрососедски односи за целиот регион, па дури и за извор на инспирација, вели министерот за европски прашања на Романија, Џеорџе Чиамба во интервјуто за грчката новинска агенција АНА-МПА и додава дека решението меѓу Северна Македонија и Грција е модел за управување со билатералните прашања на европски начин.

Романскиот министер им честита на двете страни „за храброста и решителноста заедно да испишат историја.

-Договорот од Преспа е модел за управување со билатералните прашања на европски начин. Договорот за прашањето за името меѓу Грција и Република Северна Македонија е одличен пример за помирување и добрососедски односи за целиот регион, па дури и за извор на инспирација, вели романскиот министер за европски прашања во интервјуто.

Чиамба ја истакнал важноста на потпишувањето на договорот од Преспа, на ратификувањето од Парламентите во Скопје и Атина со што се отвори патот за Северна Македонија кон НАТО и ЕУ, а потенцирал дека „Романија беше меѓу првите земји партнери на НАТО што го ратификуваа протоколот“.

Министерот за европски прашања на Романија, за АНА-МПА, говори и за европската перспектива на Западен Балкан, велејќи дека романското претседателство ќе продолжи да го охрабрува и подржува овој тек.

Би можело да ве интересира

Приведено 87-годишно лице кое возеше во спротивна насока на булеварот Партизански одреди

Ристовски: Понудивме конкретен план и решение за проблемот со добитокот во Крива Паланка, градоначалникот Митовски го одби

Клековски: Ако сѐ биде во ред, есента 2027 ќе продолжиме со изградбата на клиничката болница – Штип

Протест во  Крива Паланка, Митовски порача: Одиме до крај — додека не се спроведе законот и последното грло добиток не биде изнесено од градот

Спортска сала, мамограф и патни инвестиции – премиерот Мицкоски најави нови проекти за Делчево и регионот

МВР: Безживотно тело на 38-годишен маж со прострелна рана пронајдено кај Смилковци