Институтот за европска политика – Скопје денеска ќе го презентира четвртиот „Нацрт-извештај во сенка за Поглавјето 23 за периодот јуни 2018 – март 2019 година“.
На настанот воведни обраќања ќе имаат Симонида Кацарска, директорка на Институтот за европска политика и Уранија Пировска, извршна директорка на Хелсиншкиот комитет за човекови права. За тоа до каде е државата во исполнувањето на европските одредници во Поглавјето 23 ќе говорат Љубица Караманди Попчевски, државен советник во Министерството за правда, Владимир Георгиев член на Државната комисија за спречување на корупција и Зоран Билбилоски државен советник во канцеларијата на Народниот правобранител.
Настанот е организиран во рамки на проектот „Мрежа 23 – Вмрежување за влијание (NETWIT 23)“, кој е имплементиран од Институтот за европска политика – Скопје и Хелсиншкиот комитет за човекови права, а е финансиран од Амбасадата на Кралството Норвешка во Белград и Балканскиот фонд за демократија.