Во тешка сообраќајна несреќа на патот Штип-Радовиш кај селото Лакавица повредени се четири лица. Според портпаролот на СВР-Штип, Гордана Панајотова несреќата се случила во 14:47 часот меѓу товарно моторно возило со скопски регистерски таблички управувано од 37 годишен жител на Велес и автомобил марка „голф“ со радовишки регистарски ознаки управуван од 46 годишен маж од село Ињево, радовишко.
-Во незгодата со тешки телесни повреди се здобиле возачите на камионот и автомобилот, како и сопатниците во него 41 годишната жена и 19 годишната девојка од радовишкото село Ињево. Увидот е во тек, вели Панајотова.
Таа додава дека повредените се пренесени во Клиничката болница Штип. Сообраќајот во двата правци е во прекин, но се пропуштаат само автобилили наизменично, бидејќи во тек е и отстранување на камионот од коловозот.