МВР извести дека ноќеска во 2.40 часот во полициската станица Гостивар било пријавено дека на ул.„Илинденска“ во градот се случила сообраќајна несреќа помеѓу возило „ауди“ управувано од Г.Н.(32) од Гостивар и возило „фолксваген голф“ управувано од А.И.(25) од Житоше, прилепско, по што удриле во три паркирани патнички возила „сеат“, „цитроен“ и „фолксваген“.
Во несреќата со тешки телесни повреди се здобил сопатникот во возилото „голф“, Р.Ќ.(26) гостиварското село Чајле, а со телесни повреди се здобиле возачите на возилата „ауди“ и „голф“, како и сопатникот на возилото „голф“ А.И.(60) од Житоше, констатирани во Општа болница Гостивар.
Извршен бил увид од увидна екипа на ОВР Гостивар.