Кривични пријави се поднесени против четири лица од Охрид кои му давале пари на заем на едно лице од охридско, а потоа му барале за себе несразмерна имотна корист и му изнудиле 17.990.000 денари.
-СВР Охрид поднесе кривична пријава против А.С.(34), А.Б.(28), Е.Б.(30), Н.Ј.(33), сите од Охрид, поради постоење основи на сомнение за сторено продолжено кривично дело „лихварство“ по член 260 од кривичниот законик. Во периодот од 2021 до 2024 година, пријавените во повеќе наврати на лице од охридско, преку неговата невенчана сопруга, му давале пари на заем, а после тоа договарале за себе несразмерна противправна имотна корист и со присилба им изнудиле вкупно 17.990.000 денари, информираат денеска од МВР.
Парите, додаваат од Министерството, освен што биле уплаќани на сметките на пријавените, биле уплаќани и на сметките на други лица.