Фондацијата Аполонија по 14-ти пат заедно со болницата во Гевгелија и со Црвениот крст организираше успешна крводарителска акција. Оваа хумана акција фондацијата ја организира два пати во годината од 2010-тата наваму.
Бројот на крводарители расте од година во година, а на последната акција имало 46 крводарувања. Освен вработените од фирмата Корона, која е соптвеник на фондацијата овој пат во акцијата се вклучија и вработени од други локални фирми, како и граѓани кои стануваат редовни крводарители.
„Во рамките на своите определби за постојано поддржување и помагање на активности кои се дел од целокупното живеење на нашата локална, а и поширока заедница, Фондацијата Аполонија се вклучи и во остварувањето на едно од најблагородните човекови дејствувања – крводарителството. Секоја следна акција ни е се помасовно поддржана што ни дава право да опстоиме во идејата за хуман град“- потенцираат во фондацијата.