Почесниот Конзулат на Руската Федерација во Битола упати честитка по повод Рамазан Бајрам до припадниците од исламска вероисповед во Македонија.
– На верниците од исламска вероисповед им посакувам овој празник да го прослават во радост и среќа, со топли чувства кои ќе го исполнат семејниот дом. Токму тука, помеѓу најблиските, се наоѓаат темелите на човековата сила, издржливост и енергија за справување со сите животни предизвици.
Преиспитувајќи се себе си, човек препознава простување, разбирање и подготвеност да се прифати другиот. На тој начин се афирмираат највисоките општествени вредности на кои почива и единствено како таков е можен соживотот помеѓу сите припадници на заедницата, се вели во честитката од Рускиот конзулат во Битола.