ВМРО-ДПМНЕ на припадниците на бошњачката заедница во Република Македонија им го честита Меѓународниот ден на Бошњаците – 28 Септември.
– Бошњачката зедница во Република Македонија со својата културна, јазична и етничка посебност е значаен чинител на македонскиот мултикултурен општествен мозаик. Нивниот искрен и несебичен придонес во развојот на нашата заедничка татковина секогаш бил почитуван и вреднуван од страна на сите граѓани во Македонија. Успехот во придонесот на една заедница во градењето на сопствената држава не се мери во нивната бројност, туку во нивната посветеност, индивидуален и колективен ангажман. Тоа бошњаците многупати го истакнале и потврдиле, се вели во честитката од ВМРО-ДПМНЕ.
Бошњаците, се додава, се дел од македонската култура и традиција на толеранција и меѓусебно разбирање со која се придонесува за заеднички развој и градење на иднината.
– Одбележувањето на овие празници нека бидат повод за зајакнување на заедничките заложби и вредности за создавање подобро утре за нас, но и за идните генерации. Позитивната енергија која извира од празничните моменти нека ни биде водилка во подобра и попросперитетна иднина, стои во честитката од Центар за комуникации на ВМРО-ДПМНЕ.