ВМРО-ДПМНЕ на сите рудари во Република Македонија им го честита 28-ми Август, Денот на рударските работници, со искрени желби за многу здравје и среќа.
Од партијата информираат дека ВМРО-ДПМНЕ утре во Собрание ќе предложи Предлог на Закон за остварување право на пензија за работниците во рударството со кој, како што се наведува, се предвидува значително подобрување на условите за пензионирање.
– Основна цел на овој предлог-закон е воспоставување како единствен услов за остварување право на старосна пензија за вработените во рударството да биде пензискиот стаж, со што ќе се овозможи за овие вработени правото на пензија да го остварат порано од останатите категории на работници, соопшти ВМРО-ДПМНЕ.
Од партијата до сите рударски работници упатуваат честитки и за големиот христијански празник Успение на Пресвета Богородица и им посакуваат добро здравје, спокој, радост, мир и благосостојба во секој дом.
