Сојузот на синдикати на Македонија им го честита 1 Мај – Меѓународниот ден на трудот на членките на Синдикатот и на сите работници во државата.
– Од името на ССМ и на здружените синдикати сакам да им го честитам Меѓународниот ден на трудот на сите наши членови и на сите работници со јасна определба дека Сојузот на синдикати на Македонија останува стожер во остварувањето на работничките права. Нашата стратегија неколку години наназад не е поврзана со празнувањето со одреден фолклор и прославување со музика, туку сме се определиме празнувањето да го вршиме преку конкретни кампањи и со добивање на конкретни резултати, вели претседателот на ССМ Живко Митревски по повод претстојниот празник.