Комисијата за односи со верски заедници и религиозни групи денеска упати честитка до архиепископот охридски и македонски г.г. Стефан и до сите членови на Светиот архиерејски синод на Македонската православна црква-Охридска Архиепископија, по повод големиот христијански празник Богојавление-Водици.
– Нашето нераскинливо единство со Бога како македонски народ, како и нашата еднобитност се светлина која треба да се умножува во светот, тоа е нашата божествена природа, гордост и битие. Единството исцелува, ги мие душите и телата, додека поделбите внесуваат горчина во блажените води на спасението. Како што на Христа во Јордан му се отвори небото и го чу гласот на Отецот повикуваќи ги сите луѓе да го послушаат и возљубат Неговиот Син, така и нашата меѓусебна љубов, трпеливост и слога да бидат нашиот вистински пат до среќен и благодетен живот, стои во честитката.
Комисијата за односи со верски заедници порачува „да не дозволиме меѓусебната недоверба и раскол да не надвладеат, туку во блискоста до Бога како и едни со други, да се осветиме со чудотворната вода на спасението и духовниот мир“.