Додека инспекции хараат низ Скопје, пишуваат казни и забрануваат да се пуши дури и на терасите од кафулињата, слободно се пуши на Клиничкиот центар во Скопје.
Во “најдоброто здравство во Европа и Светот“ како што го претставуваше власта, пациентите од толку долго што чекаат, по се изгледа им е дозволено да пушат во ходниците и пред ординациите.
Покрај нив поминува персоналот на една од клиниките, но никој нема замерка што се пуши. Македонско здравство и се е можно. Во еден од последните извештаи на Министерството за здравство токму Македонија е посочена како пример за редуцирање на времето на чекање во спроедба со Шведска, па се вели:
“Како може Македонија да го редуцира времето на чекање практично на нула, а Шведска не може?“
Во конкретниов пример прашањето би било: „Како може во Македонија да се пуши додека се чека преглед, а во Шведска не може?“