Чавков пренесен во приватна болница во Скопје, му се влошила здравствената состојба

Од:

Поранешниот директор на Бирото за јавна безбедност, Митко Чавков, откако ноќта ја поминал во штипската модуларна болница, попладнево е спроведен во приватна болница во Скопје.

Директорот на Затвор-Штип Мики Тодоров потврдува дека вчера откако му се влошила здравствена состојба на Чавков и имал ниска сатурација при прегледот од затворскиот лекар, веднаш е хоспитализиран во модуларната болница, каде што добил и постојана кислородна поддршка. На барање на семејството и по препорака на штипските инфектолози, Чавков е спроведен во приватната болница на болнички третман.

Деновиве во штипскиот Затвор кластерот заразени со коронавирусот се зголеми со уште двајца новозаразени осуденици, со што бројката се искачи на седум. Меѓу позитивните на коронавирусот се и поранешниот началник на специјалните полициски сили, Митко Пешов и Никола Митревски-Кољо, кој беше осомничен како еден од главните организатори на насилствата во Собранието на 27 април.

Според затворскиот лекар, здравствената состојба на останатите осуденици е добра и тие се изолирани во три посебни простории.

Инаку, 13 осуденици поради контакт со заразените се во изолација, засега немаат пројавено симптоми на коронавирусот.

Би можело да ве интересира

Грип, ковид и инфекции на дишните патишта ги полнат амбулантите и болниците

Ковид-19 од денес е обична заразна болест, укинати и последните мерки за носење маски

Орце Костов

Пендаровски го потпиша Указот за новиот Закон за амнестија за прекршоците во ковид кризата

Катерина Ѓуровски

Три години откако СЗО прогласи пандемија од Ковид-19, вирусот се уште присутен, но со намален интензитет

Ана Ололовска

Затвореник од штипскиот затвор сакал да препродава хероин

Најзаразниот сој досега, „кракен“, не е откриен кај нас, но последната анализа е направена на 5 декември