Кандидатот за градоначалник на Велес од коалицијата „За подобра Македонија“, Славчо Чадиев денеска ги повика велешани утре масовно да излезат на завршниот митинг на партијата и да дадат поддршка на изборната програма.
– Гордоста и енергијата која ја носи ВМРО-ДПМНЕ, на утрешниот завршен митинг ќе ја почувствува секој Македонец, секој Велешанец. Велешани ќе докажат дека нашиот град продолжува по патот на успехот, по патот на победата, по патот на развојот. Сите заедно да дадеме поддршка за новите проекти, за новите дела зад кои стоиме, рече Чадиев.
Како дел од изборната програма ги спомена новата индустриска зона во Караслари, довршувањето на изградбата на театарот, реконструкцијата на гимназијата „Кочо Рацин“ и другите училишта во градот, изградбата на кружни текови, реконструкцијата на градскиот стадион и на затворен пазар….