Кандидатот за градоначалник на Општина Велес од коалицијата на ВМРО – ДПМНЕ, Славчо Чадиев денеска на прес – конференција најави реконструкција и модернизација на Гимназијата „Кочо Рацин“ и ООУ „Св. Кирил и Методиј“.
Според него, тоа е еден од најбитните проекти во неговата програма, која ја покажува и заедничката соработка со Владата на Република Македонија.
– Во овие велешки училишта ќе биде направена целосна замена на прозорците со нови со подобра звучна и термо изолација.Целосно ќе се реконструира кровната конструкција со што ќе се спречи протекувањето. Ќе се заменат старите, нехигиенски и штетни по здравјето подови, со нови со современ материјал. Целосно ќе се реконструира греењето, обезбедуваќи потопли училници и ходници. Ќе се постави и најсовремено осветлување на училниците, а ќе се реконструираат и санитарните јазли. Ќе се постави и целосно нова фасада, со што дополнително ќе се разубави ликот но и ќе се подобри енергетската ефикасност, појасни Чадиев.
Со оваа модернизација, нагласи, директно ќе се подобрат условите за учење на 1.415 ученици во двете училишта.