Центарот за вработување Штип денеска организираше презентација за претставниците на Регионалната Стопанска Комора во Штип за актуелните финансиски мерки за вработување, но и да ги детектираат проблемите со кои се соочуваат работодавците при креирањето на новите работни места.
Раководителот на Центарот за вработување – Штип, Катица Арсова вели дека на средбата очекуваат да ги слушнат и предлозите и сугестиите на бизнис секторот, кои ќе се земат предвид при креирање на новите мерки за вработување.
Таа истакна дека во ревидираниот план е мерката за поддршка на мали и средни претпријатија за вработување на лица до 29 години, а веќе 19 фирми пројавиле интерес за оваа мерка.
Таа додава дека работодавачите се должни вработените лица до 29 години да ги задржи на работа 18 месеци.
Заменик-претседателот на Регионалната Стопанска Комора – Штип, Весна Ангеличкова вели дека бизнис секторот се надева дека од оваа средба ќе научи и ќе се информира за новите мерки за вработување.