Општина Центар го привршува фасадирањето на зградата која се наоѓа на улицата „11-ти октомври“ бр.38, спроти ЗОИЛ Македонија.
„Граѓаните избираа каква ќе биде бојата на новата фасада, се одлучија за бела, акцентирана со темно-виолетова и бордо боја. И новата фасада го задржува автентичниот изглед на зградата.
Граѓаните се презадоволни од тоа што добија енергетско-ефикасна фасада. На средба со градоначалникот на општина Центар, Андреј Жерновски посочија дека сметките за струја сега им се пониски“, велат од Општина Центар.
„Оваа зграда има 36 стана, а жителите долги години се жалеа на старата и дотраена фасада, чии делови паѓаа на тротоарот и возилата.
Ова е осма зграда во општина Центар која добива нова фасада“, соопштуваат од Општината.