Следните два четвртоци за граѓаните од Центар ќе биде организиран граѓански форум на кој жителите на оваа општина ќе имаат можност од предлог-акциските планови за образование, социјална заштита, млади и соработка со граѓански организации да предложат приоритетни проекти кои ќе ги имплементира општина Центар во периодот 2015 – 2016 година. Целта на форумот е зголемување на учеството на граѓаните во процесот на донесување на одлуки на локално ниво.
Форумот го организира Центарот на заедницата во соработка со општина Центар и е прв ваков во оваа општина. Настанот ќе се одржи на 29.10.2015 (четврток) и 05.11.2015 (четврток) со почеток од 18.00 часот, во хотел Холидеј Ин (сала Милениум). Регистрацијата на учесници започнува од 17.30 часот.
Граѓанските форуми во општина Центар ги имплементира Фондацијата за развој на локалната заедница со финансиска поддршка од Фондацијата Отворено општество Македонија, во рамките на концептот Општина по мерка на граѓаните.