Од утре, општина Центар ја започнува акцијата за надминување на проблемот со бучавата во централното градско подрачје. Акцијата ја преземаме на барање на граѓаните кои се жалеа на бучава од околните ноќни клубови, кафулиња и кафеани.
Согласно законите кои ја регулираат оваа област, инспекциските служби на Општината ќе излезат на терен и ќе ја мерат бучавата, по што ќе бидат преземени соодветни активности.
Службите ќе постапуваат и по претставки од граѓаните, кои можат своите забелешки да ги јават во текот на работното време, од 08:00 до 16:00 часот, на телефонските броеви: 070 359 784 (Костадин Дуковски), 071 377 819 (Михајло Аритоновки) и 076 313 390 (Душан Велиновки).
Општина Центар напоменува дека секоја злоупотреба со пријавување на непостоечки проблем е на трошок на граѓанинот.
Општина Центар сака да ги извести граѓаните дека многу поплаки во Општината пристигнуваат поради бучавата од дискотеките во Градскиот Парк. Сакаме да појасниме дека за бучавата и за се што ќе биде забележано во и околу овие дискотеки, е во надлежност на општина Карпош.
