Центарот за јавно здравје – Кочани кој ги покрива и општините Виница, Македонска Каменица, Делчево, Пехчево и Берово ги обезбеди потребните количини вакцини против сезонски грип.
– Дистрибуцијата е завршена денеска и вакцинацијата ќе почне од утре. Од расположливите 2.400 вакцини најмногу се наменети за жителите на Кочани вкупно 900, за општините Делчево и Македонска Каменица 500, Виница 450, Берово 350 и за Пехчево 200 вакцини, рече денеска на прес-конференција директорот на Центарот за јавно здравје – Кочани, Магдалена Манасиева.
Таа посочи дека интересот за вакцинација против сезонски грип е голем. Цената на вакцинацијата против сезонски грип изнесува 400 денари.