Општина Центар ќе учествува во санација на штетата настаната од пожар на станбен објект на ул. Вељко Влаховиќ, спроти гимназијата „Јосип Броз Тито“.
За ова од буџетот на општина Центар ќе бидат издвоени средства за санација на штетата од пожарот во висина до 620.000 денари.
Пожарот избувна на 28-ми март годинава, во стан кој што е на 11ти спрат.
Во гасењето учествуваа 8 против-пожарни возила.
Градоначалникот на општина Центар, Андреј Жерновски, кој со своите соработници веднаш по информацијата за пожарот пристигна на лице место, вети на семејството дека општината ќе помогне во реконструкција за опожарениот стан.