Општина Центар ја известува јавноста дека наскоро ќе започне со реконструкцијата на улицата “Ѓуро Ѓоновиќ“ во Маџир Маало. Работите кои што сега се извршуваат на оваа улица и кои предизвикуваат реакции и револт кај граѓаните, ги изведува БЕГ – Балкан Енерџи Груп.
Работите кои што ќе ги извршува општина Центар на оваа улица ќе бидат означени на соодветна табла. Со реконструкцијата ќе се изврши целосна замена на постојната конструкција, нов тампонски слој со дебелина од 30 см, на површина од 4100 м2.
Ќе биде поставена и нова атмосферска и фекална канализациона мрежа, соопштуваат од Општина Центар.