Советниците на општина Центар ја прифатија иницијативата на „Плоштад слобода“, за измена на Деталниот урбанистички план која се однесува на 4 локации, од кои трите се спроти Бристол и едната во Градскиот парк кај Воениот комплекс.
Иницијаторите, граѓаните преку „Плоштад слобода“, сакаат парцелите на кои се градат катни гаражи и административни згради повисоки од 20 метри да се заменат со зелени површини, како што беше и претходно и како што бараат жителите.
На оваа иницијатива се спротивствија советниците од ВМРО-ДПМНЕ, навлегувајќи во дебата, дека во оваа фаза не можат да се менуваат плановите и да се поништат одобренијата за градба иако беше неколку пати нагласено дека ова е само иницијатива, а во натамошната постапка ќе се утврди дали постои таква можност или не.
Од „Плоштад слобода“ чија иницијатива беше прифатена изразија надеж дека со ова ќе почне процесот на мораториум за иградба на деловни објекти со узурпација на зелените површини во центарот на Скопје.