Општина Центар ги известува граѓаните дека го помести објектот на новото основно училиште во Капиштец, во склоп на самата градежна парцела, за 2,7 метри.
Со ова се спасуваат од сечење 18 дрвја, односно 50 проценти од постоечките дрвја на самата парцела ќе бидат зачувани, соопштуваат од општина Центар.
Во дворот на новото училиште ќе бидат посадени нови 40 високи дрвја, со што практично бројот на дрвја ќе биде зголемен и ќе има вкупно 58.
Во следните неколку денови, „Паркови и зеленило“, јавно претпријатие на Град Скопје, ќе започне со отстранување на дрвјата, од кои најголем дел се стари и заболени.
Општина Центар продолжува со градежните активности за изградба на првото основно училиште во Капиштец.