Бујар Османи во работна посета на Брисел, на средби со Могерини и Хан

Од:

Заменик Претседателот на Владата задолжен за европски прашања, Бујар Османи, заедно со Министерот за надворешни работи, Никола Димитров, од утре ќе престојува во дводневна работна посета на Брисел.

Во текот на посетата, Вицепремиерот Османи ќе оствари средби со Потпретседателката на Европската Комисија и Високата претставничка за надворешни работи и безбедносна политика на ЕУ, Федерика Могерини, како и со Еврокомесарот за соседска политика и проширување, Јоханес Хан. На средбите ќе се разговара за новите можности на евроинтегративните процеси на Република Македонија, кредибилноста на процесот на проширување на Унијата, а ќе бидат отворени и темите за регионалните предизвици во контекст на соработката на земјите од Западен Балкан.

Во рамките на посетата на Брисел, Вицепремиерот Османи ќе учествува и на работниот појадок на министрите за надворешни работи на земјите- членки на ЕУ, организиран под покровителство на постојаните претставници на Шведска и Бугарија во ЕУ, каде заедно со Министерот за надворешни Димитров ќе реферираат за напредокот на Македонија во спроведувањето на реформите за европска интеграција, како и за останатите активности во насока на европските амбиции на земјата.

Вицепремиерот Османи ќе има и свое обраќање пред независниот тинк тенк институт, Европски центар за политика (EPC), на тема, „Планот 3-6-9: понатамошно унапредување на процесот на интеграција на Македонија во ЕУ“ (Plan 3-6-9: Further advancement of the Macedonian EU integration process), а ќе оствари средба и со Директорката за Западен Балкан во ГД НЕАР, Геновева Руиз Калавера.

Би можело да ве интересира

Османи: Мицкоски е албанофоб, ги мрази Албанците и сака да ги тргне од институциите

(ВИДЕО) Старата скопска чаршија е нашата гордост, таа треба повторно да блесне и да стане мотор на културниот развој, вели Османи

Горан Наумовски

Ди Мајо: Османи е голем и почитуван пријател на Европската Унија

Чаирчани се на „чисто“, ќе бираат помеѓу чесноста на Османи или корупција на Меџити, велат од ДУИ

Горан Наумовски

„Гугл“ и „Фејсбук“ ќе купува струја од Македонија, најави Мицкоски

Горан Наумовски

ЕУ става крај на политичкото рекламирање на Фејсбук и Инстаграм, новите правила на сила од октомври

Предраг Петровиќ