(ВИДЕО) Бухова: Никој да не ми се јавува да ургира, одговорност за сите кои го загрозуваат здравјето на граѓаните

Од:

Новата директорка на Државниот санитарен и здравствен инспекторат, Ирина Бухова на првата прес конференција упати порака до сите дека институцијата нема да потклекне на било какви јавувања, ургенции и притисоци и нема да амнестира никакви и ничии пријатели па ни на власта, кога ја загрозуваат здравствената состојба на граѓаните.

Таа порача дека сите се еднакви пред законот и за сите ќе има одговорност доколку го загрозат здравјето или животот на граѓаните.

Бухова најави дека ќе воведе 24-часовна линија за пријави и примедби од граѓаните низ целата земја по кои ќе постапува.

Таа изрази сомнеж дека во изминативе години како намерно некој да сакал да не функционира Државниот санитарен и здравствен инспекторат со оглед на состојбата во која го затекнала по нејзиното назначување на функцијата.

„Државниот санитарен и здравствен инспекторат има 70 вработени, од кои само 30 се државни санитарни инспектори, кои имаат лиценца за работа и кои можат да излезат на терен. Од тие 30, девет лиценцирани инспектори се од 54 до 59 години, а 11 од 60 до 67“, информираше директорката Ирина Бухова.

– Доколку не се преземат итни мерки инспекторатот ќе остане само со 10 инспектори, не знам зошто оваа институција е оставена во волку лоша состојба, рече директорката.

Таа исто така информираше дека Санитарниот инспекторат располага со 30 возила, од кои една третина се Југо, што би значело дека не се ниту малку безбедни за здравствените инспектори кои треба да излегуваат на терен со нив. Бухова потврди дека во Седмица и ДМ имало труење, но и дека двата објекти се отворени повторно.

Виктор Јованов

Би можело да ве интересира

Епидемиолозите го бараат нултиот пациент кој зарази седуммина полицајци

Маја Илиевска-Пачемска

(ВИДЕО) Сотирова: Извршен е надзор на Клиниката за нефрологија, нема забелешки

Ана Ололовска

(ВИДЕО) Сотирова-Бухова: Веќе се изречени решенија во институциите каде се констатирани недостатоци при инспекцискиот надзор

Ана Ололовска

Инспекторатот за труд на работа вратил 140 отпуштени работници во време на коронавирусот

Кристијан Ландов

Агенцијата за лекови не утврди зголемени цени на маските во аптеките

Кристијан Ландов

ВИДЕО: Инспекторите затвориле девет угостителски објекти во Тетово и Гостивар, а во Охрид не се носеле маски во осум објекти

Кристијан Ландов