Бројот на новозаболени од коронавирус во земјава достигна бројка од 114 лица во последниве 24 часа, говорат податоците на Министерството за здравство.
Детектирани се 29 новозаболени во текот на вчерашниот ден, од кои најголем дел се од Скопје.
Освен во постојните шест градови каде што имаше заболени од коронавирусот (Скопје, Дебар, Штип, Гостивар, Охрид и Кавадарци, коронавирус во последниве 24 часа е детектиран и кај едно лице во Куманово.
По градови во последните 24 часа се регистрирани 22 заболени во Скопје, тројца од Штип, двајца од Дебар, еден од Куманово и еден во Охрид.
Според местото на живеење, досега случаи на КОВИД-19 се регистрирани во: Скопје (65), Дебар (36), Штип (7), Кавадарци (2), Охрид (2), Гостивар (1), Куманово (1).
Од инфографикот што следува, а „А1он“ ќе продолжи да ги објавува секој ден, може да се види моменталната состојба за бројот на заболени од коронавирус во земјава и градовите од каде што доаѓаат лицата.
