Во Кочани, во близина на споменикот на паднатите борци, синоќа во 20 часот непознат сторител извршил тешка кражба. Имено, додека 66-годишната Д.С. од Кочани одела на улица, тој и ја одзел чантата во која го носела дневниот пазар од бутикот каде што била вработена како продавачка.
Додека таа се движела, крадецот и пришол и насилно и ја одзел чантата, по што истата повикала помош, а тој избегал од местото на настанот.
Во непосредна близина бил полициски службеник кој во цивилна облека бил на работа, и по издадено предупредување да застане, истиот продолжил да трча, по што полицискиот службеник во воздух испукал еден предупредувачки куршум, а сторителот ја фрлил чантата и побегнал.
Полицијата работи на случајот.
