23-годишна жена од Скопје, која била бремена во осмиот месец, вчераутро починала во Клиничко-акушерската болница „Мајка Тереза“ во Чаир, каде била донесена во тешка здравствена состојба, соопшти полицијата. Нејзиното бебе е спасено.
„На 19.07.2021 во СВР Скопје било пријавено дека околу 07.00 часот во Гинекологија „Чаир“ сo влошена здравствена состојба била донесена Н.М.(23) од Скопје, бремена во осми месец. Според пријавеното, кратко потоа таа починала на Одделението за интензивна нега, но било извршено породување и било извадено живо женско дете“, се вели во полицискиот билтен.
Се преземаат мерки за расчистување на случајот.