Кривичниот суд во Скопје денеска го укина притворот за новинарот Зоран Божиновски, информираат во денешното соопштение од Судот.
– Постапувајќи по предлог на јавниот обвинител за укинување на мерката притвор за обвинетиот З.Б., обвинет во предметот со КОК бр. 79/16, судечкиот судија на денешниот главен претрес донесе одлука со која предлогот на обвинителот се уважува и мерката притвор се укинува, а согласно предлогот се определуваат превентивни мерки за обезбедување присуство на обвинетиот во текот на постапката. Против ова решение дозволено е право на жалба во рок од 3 дена, се наведува во соопштението од Основен суд Скопје 1 – Скопје.
Божиновски беше во притвор речиси три години за случајот „Шпион“, а се товари дека ги сторил делата злосторничко здружување, шпионажа и уцена.
Тој беше уапсен во Нови Сад, Србија од српската полиција, по што им беше предаден на македонските власти.
„Македонија веќе не е на срамната листа каде има новинари во затвор“, пишува во реакцијата на ЗНМ на Твитер.
Укинат притворот на новинарот Зоран Божиновски @zoranburevesnik , Македонија веќе не е на срамната листа каде има новинари во затвор! pic.twitter.com/lbrOP06Uu8
— ЗНМ (@znmsobranie) July 14, 2017