Координаторката на пратеничката група на ВМРО-ДПМНЕ Силвана Бонева демантира дека на бугарскиот европратеник Димитар Стојанов му признала дека е Бугарка.
Според неа, тврдењата на Стојанов се целосно неточни.
„По повод исказите на бугарскиот европратеник Димитар Стојанов во емисијата со Диана Најденова на бугарската телевизија БТВ, не е точно тоа што го изјавува. Разговор со таква содржина не сме имале и очигледно, од само нему познати причини, сака да наштети на мојот углед“, реагира Бонева.
Реакцијата на Бонева доаѓа по изјавата на европратеникот Димитар Стојанов за телевизијата БТВ кој рече
„Силвана Бонева, претседателката на пратеничката група на ВМРО-ДПМНЕ во македонското Собрание, додека бев во Скопје ми кажа, јас сум Бугарка, но моите деца нема да ги правам Спаски Митрови“.