Мандатно-имунитетната комисија од која пратениците на ВМРО-ДПМНЕ бараат да заседава не може да се одржи без писмено барање. Комисијата може да заседава единствено ако тоа го побара собранискиот спикер, Талат Џафери. Претседателот на комисијата, Павле Богоевски вели дека прво треба да има повреда на деловникот, односно да не се разгледуваат амандманите, па потоа комисијата да го каже нејзиниот став.
„Комисијата може да се состави по седницата, бидејќи овде немаме наводна повреда на деловникот, на која укажуваат пратениците на ВМРО-ДПМНЕ. Се уште не сме стигнале до тоа дали амандманите ќе се разгледуваат“, вели Богоевски за „Макфакс“ и „А1он“.
Пратеничката група на ВМРО-ДПМНЕ и натаму го оспоруваат законот, овој пат со барање да заседава мандатно-имунитетната комисија. Оспорувањето на законот сега се врши со барање на еден час пауза од страна на Димовски која беше одобрена од Џафери.
К.Л.
