Претседателот на СДММ и пратеник од редовите на СДСМ, преку Фејсбук статус порачува дека завршува владеењето на ВМРО-ДПМНЕ и дека е време да се спасува државата.
„Оние кои воведоа двојазичност со закон и ги амнестираа Хашките случаи, сега обвинуваат за албанизација и предавство!
Оние кои избркаа 200 000 млади од државата, сега ветуваат 10 000 вработувања!
Оние кои украдоа 5 милијарди евра, сега се фалат со инвестиции од 3 милиони евра!
Оние кои во снимките велат “А, да имаме војна”, сега велат дека и се спремало војна на Македонија!
Оние кои ги влечеа “циганите за уши на гласање” и велеа “некое ливче нека снема”, сега се жалат на изборен инжињеринг!
Оние кои нарачуваа прилози во “куртон вести”, сега се жалат на корупција и притисоци во медиумите!
Оние кои се финансираат од пари на граѓаните (крадејќи ги), обвинуваат дека опозицијата се финансира од странство! Доволно е дечки!!!
Ние овде нафта не пиеме!
Се што има почеток, има и крај. Вашето за жал траеше долго, но за среќа сега завршува!
Не сте херои, не сте патриоти! Ќе останете запаметени како криминалци кои за пари и моќ скоро ја урнаа државата и иселија стотици илјади граѓани!
Сега сите ние нормалните и чесните да ги засукаме ракавите и да се фатиме за работа. Имаме држава за спасување!“ стои во Фејсбук статусот на Стефан Богоев.