Големиот успех на меѓународна сцена кој го постигна танцовото студио „Dancers United Mk“ од Карпош, вчера вечер се прослави во нивното студио во населбата Карпош 3 (Лептокарија).
Во присуство на роднини, пријатели, гости, како и на градоначалникот на Општина Карпош, Стефан Богоев, нашите танчери се радуваа на високото трето место, односно на бронзениот медал.
Првиот човек на локалната самоуправа им го честиташе извонредниот подвиг и им посака уште поголеми успеси во иднина.
На меѓународниот турнир по танци кој се одржа во Копенхаген, Данска од 17-21 ноември, лицата со Даунов Синдром од танцовото студио „Dancers United Mk“, во конкуренција од над 4.000 натпреварувачи од 29 земји, го освоија третото место.
Tанчери се натпреваруваа во категоријата параденс- интегративна формација, под менторство на тренер- кореографката Виолета Башевска.