„Деструкцијата на опозицијата која без избори сака да дојде на власт е одлучувачки фактор за слабата игра на нашата репрезентација. Според Курир, анкетата на Павел Шатев направена за потребите на Пресс24 излегува со фрапантен резултат дека 102,5 % (според Амдиева формула) од граѓаните сметаат дека народот на избори треба да одлучи дали ќе одиме на Олимпијада, а Заев веднаш да престане да влијае на играта на ракометарите со сечени, лепени и монтирани разговори! Во меѓувреме од ВМРО ДПМНЕ изјавија дека се небулозни барањата на опозицијата за реформи во медиумите бидејќи медиумите во континуитет известуваат непристрасно и аргументирано. На Бихаќка сеуште молк. За Сител директно од пречекот под Триумфална капија, Славица Арсова (уредник на вестите во ТВ Сител, сопственик на порталот Пресс 24, водител на емисијата “Пулт” на Радио Слободна Македонија, сопруга на заменик-главниот уредник на ТВ Сител)”, напиша на Фејсбук претседателот на СДММ, Стефан Богоев.
