Директорот на ЈП-ПОЦ и претседател на општинската организација на СДСМ Центар, Саша Богдановиќ, реагира на повторното одложување на судското рочиште во врска со бруталниот напад кој бил извршен врз него.
Еве што вели Богдановиќ:
На 07.05 оваа година бев крвнички нападнат без причина на сред улица, пред мојот дом, од страна. За да биде случајот уште потрагичен, наредниот ден провладините медиуми објавија дека се работи за пресметка помеѓу навивачки групи, информција којашто и сведоците присутни на немилиот настан, меѓу кои и полициски службеник, видоа дека е неточна. Недела дена подоцна насилникот беше пуштен во домашен притвор, во исто време кога на триесетина млади луѓе, студенти и средношколци им беше одреден 30 дневен притвор во келии со најтешки криминалци.
Од дента на нападот па се до денес ниедно рочиште не беше одржано, без јасно образложение зошто и без наговестување кога би се решил случајот за обвинетиот да си ја плати казната.
Ве молам да го објавите овој мејл во целост за да се запознаат граѓаните со уште еден случај на неправда од македонското судство.
