На ден 21.05.2015 година во 14:15 минути на интернет порталот Курир е објавен текст под наслов „ФОТО: Порно актери, транссексуалци, луѓе од подземјето со кривични дела зад себе се дел од камперите пред Владата“, каде е назначено дека јас како директор на јавното претпријатие „Паркинзи на општина Центар“ не се грижам за сообраќајниот метеж и дека тоа е основен проблем на Центар.
Таа информација не е вистинита бидејќи обврските во претпријатието ги завршувам секојдневно од 08:00-16:00 часот, кое е и воедно работното време на претпријатието.
Останатиот период од денот е мое лично време и мојата одлука да го користам за протестирање пред Влада е легитимна.
Фотографиите преземени од порталот Центарњуз и од мојот приватен фејсбук профил се фотографирани вон работното време на претпријатието, вели во писмената реакција директорот на ПОЦ, Саша Богдановиќ.
