Денеска, градоначалникот на општина Центар, Саша Богдановиќ и директорот на Управата за водење на матични книги, Ѓоко Котевски, потпишаа меморандум за соработка.
Со ова, податоците и документите од матичната евиденција жителите на општина Центар ќе ги добиваат од управата, што ќе значи побрзо и поефикасно постапување.
Ова ќе значи голема поволност за жителите бидејќи ќе заштедат и време и пари и ќе се избегнат гужви пред шалтерите.
На средбата се разговараше и за изнаоѓање нови начини за соработка меѓу општина Центар и Управата за водење на матични книги, во интерес на доближување на институциите до граѓаните.